البيكاتا بصوص المشروم

ندخل بأه علي المقادير
نصف كيلو لحم فيلية

(عرق فيليه)

(و ممكن تمشي بلحم البوفتيك)


ماشروم مقطع

(معلب ولو طازة يكون احسن طبعا)


فريش كريم

(ديه بتاعة جهينة)

و في كمان عند جهينة كريمة طبخ
(الناس اللي بتعمل رجيم يستخدموا كريمة نباتي نفس الطعم و ارخص كمان)
بصل مبشور و عليه ملح و فلفل


شوية دقيق


2 ليمون

ربع كوب خل

(ممكن اقل )


زيت

الطريقة
نبدأ الاول في تتبيل الفيليه او البوفتيك بالبصل المبشور و الملح و الفلفل و اليمون والخل و نتركة علي الاقل نصف ساعة(طبعا يستحسن يقعد في التتبيلة اطول من كده)
نبدأ بأه في التسوية


نجيب طاسة كبيرة

و نحط فيها زيت

(يا دوب نغطي قعر الطاسة)
و نحط الفيليه في الدقيق من الجانبين(نعفره يعني بالدقيق)
و بعدين نحطه في الطاسة(طبعا الزيت يكون سخن)
بس بمجرد ما نبدأ في وضع الفيليه نهدي النار علشان اللحم يستوي من بره و من جوة ونعمل باقي كمية الفيليه بنفس الطريقة لحد ما نملي الطاسة
و نسيبها شوي

(نغطيها 2_3 دقائق)
و لما الوجه اللي في الزيت يصبح لونه بني نقلب علي الوجه الاخرو نسيبة نفس الفترة اللي فاتت
و لو لسة باقي فيليه تاني يبقي نشيل الكمية ديه في طبق جانبي و نعمل كده مع باقي الكمية لغاية ما كمية الفيليه تخلص,و بعد ما تنتهي الكمية؟
نرجع الفيلية كله تاني في الطاسة و نحط عليه الماشروم و نقلب حتي يغمق لون المشروم شوية (دقيقتين مثلا)و بعدين نزود شوية مية يا دوب نغطي الفيليه و المشروم و نسيبهم يغلو شوي علشان الدقيق اللي في اللحمة يفك و يعملي صوص غليظ و لما نتأكد ان اللحم استوي نحط الكريمة و نقلب, نحط لحد ما يصل للون اللي بتحبوه .
في ناس بتحب الصوص يكون غامق فتحط الكريمة قليلة
و اللي بيحب الصوص فاتح يكتر كريمة لحد ما يصل للون اللي عايزينه و نقلب كويس و نغطي و نسيبها تغلي شوي دقيقتين كمان
ملحوظة
لو عايزين الصوص يكون كتير كتري كمية الماية اللي حطيتيها بعد المشروم
طبعا بنقدم جنبها مكرونة او ارز ابيض مش لازم طبعا مكرونة اسباجيتي
طيب لو عايزين تعملوا مكرونة زي اللي فوق ديه نعملها ازاااااي؟
نسلق المكرونة بتاعتنا عاااادي في طاسة نحط ملعقتين زبده سخنين و نشوح فيهم شوية جزر مبشور ونطفي النار و نحط ورق كسبرة خضرا مقطع صغير خالص ونقلب كويس اوي و بعدين نحط المكرونة علي الخلطة ديه و نقلب
هتطلع زي المكرونة اللي في الصورة فوق بالضبط (المكرونة اللى فوق فيتوتشينى)
انا بأه بعد ما اللحم يستوي بشيل اللحم و احط المكرونة في الصوص و اقلب علشان المكرونة تشرب من الصوص و بعدين اقدم المكرونة بالصوص وعليها اللحم بشوية صوص صغيرين
ممكن طبعا بدل فيليه اللحم نحط فيليه فراخ........زي ده
[center]
طبعا اللي في الصورة بصوص الليمون نفس الخطوات بالضبط بس ناخد بالنا ان الفراخ بتستوي اسرع من اللحم وبحط ربع كوب عصير ليمون بدل خطوة المشروم .وبس معلش بحب اكتبلكو التفاصيل
وان شاء الله اكون معاكو كل يوم بمواضيع ومشاركات جديدة ونافعة ولذيذة